es un barriu de primera,
barriu de mucha alegría:
jotelis, fondas, industrias
y una juerti churrería.

Churrus pa los viajerus
que vengan en las empresas;
licoris de toas clasis
y botellas de cerveza.

Y el que no quiera cerveza
y quiera tomal güen vinu
un poquinu más arriba
está el jotel Avelinu.

Si las señoras que vengan
quierin tomal chocolati,
en el jotel Avelinu
lo está preparandu Nati.

Los jotelis de Avelinu
son jotelis de primera.
Pol dentru se pué vel:
vienin los recién casaus
a pasal su luna de miel.

El que venga a estus jotelis
en tiempu de primavera,
sali más gordu que un cerdu
en tiempu de montanera.

Junto al jotel d´Avelinu
está el jotel Catalán
andi se comi y se bebi
a basi de mu güen pan.

Juntu al jotel Catalán
hay una juerti jerrería
andi machan los jerrerus
con muchísima alegría.

Arrimá a la jerrería
quierin jadel una cuadra,
pa metel a los perrus
pol la nochi cuandu ladran.

En los jotelis d´abajo
en el barriu las cuestionis
andi paran las empresas
pa que bajin las señoras,
ya son jotelis de obrerus
andi se comi y se bebi
y cobran menus dineru.

Aquel que quiera aguardienti
templanu pol la mañana
que se fiji en el letreru:
"Jotel de las dos Hermanas.
Diez minutus de pará
pa´l que quiera bajal".