Allí hay hermanitas güenas
qu´amparan a los ancianus
polque la Virgin los quieri
comu si jueran hermanus.

Si algunu cayera enfermu
ellas le dan su cariñu
pa que´l ancianu s´acuerdi
d´aquel tiempu que jué niñu.

Las monjitas que los cuían
son monjas de compasión,
son unas monjas santas
y tienin güén corazón.

Si algún ancianu s´enoja,
pos le tratan con cariñu
polque el ancianu se guelvi
de la calidá del niñu.

Y si algunu cai enfermu
ellas le dan su consuelu
y rezandu lo conviertin
pa que puéa il al cielu.

Muertu el ancianu, la caja
la ponin en una mesa
mientras preparan el cochi
y van a santa Teresa.

Allí a metel´lo en el joyu,
allí pa toa la vida,
y allí descansa el ancianu
jartu de pasal fatigas.