San Miguel bajó del cielu
a sel patrón del Cabreru;
y les jidu a sus vecinus:
"trabajal y ajorral dineru
pal día de mi función,
y aquel que tenga matanza
pué comelsi un jamón.

El que no tenga matanza
que mati una cabra güena,
prepari güena comía
y pol la nochi gran cena".

¡Venga vinu y venga carni
y la fiesta San Miguel!
¡Que lleguemus a otru añu
puiéndulu conocel!

II

San Miguel y Satanás
andaban en las tabernas,
el diablu pol la sombra
y Miguel con la linterna.

Al revolvel d´una esquina,
Satanás s´atravesó,
san Miguel cayó de brucis
y en las naricis se dio.

Estaba Satán durmiendu
y San Miguel que lo vio
sacó su espada d´aceru
y unus golpis le pegó.

Pensó que l´había matau,
peru el tunu revivió
y si vas a la taberna
no ves unu sinu dos.